Cynulliad Cenedlaethol Cymru
Hydref 2015
Amserlen ar gyfer ystyried y gyllideb ar gyfer 2016 –
2017
1. Ar 7 Gorffennaf 2015, ysgrifennodd Gweinidog Cyllid a Busnes y Llywodraeth at y Pwyllgor Busnes yn cynnig dyddiadau ar gyfer cyhoeddi cyllideb ddrafft 2016-17, yn unol â Rheol Sefydlog 20.2. Fodd bynnag, o ystyried yr ansicrwydd ynghylch pryd y bydd Llywodraeth y DU yn cyhoeddi’i Hadolygiad o Wariant, dywedodd y Gweinidog y gallai’r amserlen newid.
2. Ar 29 Medi 2015, diwygiodd y Gweinidog ei hamserlen arfaethedig ac, ar ôl ymgynghori â'r Pwyllgor Cyllid, cytunodd y Pwyllgor Busnes ar y dyddiad y dylai’r Pwyllgor Cyllid adrodd ar y Gyllideb Ddrafft.
3. Yn unol â Rheol Sefydlog 20.4, mae’r Pwyllgor Busnes wedi ymgynghori â’r Pwyllgor Cyllid ac wedi llunio’r amserlen a ganlyn ar gyfer ystyried y gyllideb ar gyfer 2016 – 2017:
|
|
Dyddiad
|
|
Cyllideb ddrafft y Llywodraeth yn cael ei gosod gerbron y Cynulliad
|
8 Rhagfyr 2015 |
|
Y dyddiad cau i’r Pwyllgor Cyllid gyflwyno adroddiad ar gyllideb ddrafft y Llywodraeth
|
2 Chwefror 2016 |
|
Y cynnig cyllideb blynyddol yn cael ei gyflwyno
|
1 Mawrth 2016 |